Belarus Respublikasynyň Prezidenti Aleksandr Lukaşenko GDA ýurtlarynyň II oýunlaryny respublikada geçirmäge taýýarlanmak we geçirmek baradaky permana gol çekdi, bu perman gatnaşyjylar we meýletinçiler üçin birnäçe artykmaçlyklary we ýeňillikleri kesgitleýär. Bu barada şenbe güni BelTA gullugy habar berdi.
“Olaryň arasynda Belarusa wizasyz giriş, ýurduň çäginde hasaba alynmak zerurlygyndan boşatmak, jemgyýetçilik ulaglaryndan mugt peýdalanmak, mugt iýmit, ýaşaýyş jaýy, logistika, ulag çykdajylarynyň mukdaryna girdeji salgydynyň salynmagyndan boşatmak we beýleki goldawlar bar" - diýip habarda bellenýär .
GDA ýurtlarynyň II oýunlary 5-nji awgustdan 13-nji awgust aralygynda Belarusuň 11 şäherinde 20 sport görnüşi boýunça geçiriler.
GDA ýurtlarynyň II oýunlarynyň maksatnamasyna woleýbol, çeper gimnastika, ýeňil atletika, 3x3 basketbol, gandbol, boks, suwda ýüzmek we beýleki sport ýaryşlary girdi. GDA ýurtlarynyň türgenlerinden başga-da, Siriýa, Eýran, Müsür, Saud Arabystany, Hytaý, Malaýziýa, Liwan, Birleşen Arap Emirlikleri, Wýetnam we Kuba ýaly ýurtlaryň türgenleri hem gatnaşar.
GDA ýurtlarynyň I oýunlary 2021-nji ýylda Kazanda geçirilipdi.
