Hytaýly grossmeýster Din Ližen küşt täji üçin oýnuň taý-breýkinde russiýaly Ýan Nepomnýaşini utup, 17-nji dünýä çempiony boldy.
Küştçüler klassyky wagt gözegçiligi bilen 14-nji oýundan soň çempiony kesgitläp bilmediler (7-7), şondan soň gapma-garşylyk taý-breýkde dowam etdi. Rapidde ilkinji üç döw deňme-deň tamamlandy, dördünji döwde Din Ližen 68 göçümden soň gara mallar bilen ýeňiş gazandy we 2,5-1,5 hasabynda taý-breýki utdy.
Din Ližen 30 ýaşynda, ilkibaşda ol dalaşgärleriň ýaryşyna gatnaşmaly däldi, ýöne russiýaly Sergeý Karýakin diskwalifikasiýa edilendigi sebäpli gatnaşmaga hukuk gazandy.
Nepomnýaşiý 32 ýaşynda, ol 2795 utuk bilen Halkara küşt federasiýasynyň (FIDE) reýtinginde ikinji orny, Din Ližen üçünji orny (2788) eýeleýär. Russiýaly türgen dalaşgärleriň ýaryşynyň soňky iki oýnunyň ýeňijisidir, 2021-nji ýylda ol küşt täji üçin oýunda Karlsenden utuldy (3,5-7,5).
Oýnuň umumy baýrak gaznasy 2 mln ýewro barabar. Din Ližen ýeňşi üçin 1,1 mln ýewro, Nepomnýaşiý 900 müň ýewro alar.
