Çempionlar ligasynyň çärýek final tapgyrynyň jogap duşuşygynda «Mançester Siti» myhmançylykda «Bawariýa» bilen deňme-deň oýnady.
Mýunhende geçen duşuşyk 1:1 hasap bilen tamamlandy. «Sitiniň» düzüminde Erling Holand (57-nji minut), «Bawariýadan» Ýosua Kimmih (83-nji minut, pen.) gol geçirdi.
86-njy minutda «Bawariýanyň» tälimçisi Tomas Tuhel ikinji sary duýduryş aldy.
«Mançester Siti» birinji oýunda «Bawariýany» 3:0 hasap bilen ýeňipdi. Netijede, iki oýnuň jemleri boýunça iňlis kluby ýaryşyň ýarym finalyna çykdy. Ýarym finalda «Siti» Madridiň «Realy» bilen duşuşar.
