Minsk 2023-nji ýylda GDA-nyň sport paýtagty diýlip yglan edildi. Geljek ýyl bu dereje Gýumri ermeni şäherine geçer. Bu karar GDA agza döwletleriň Daşary işler ministrleriniň Geňeşiniň Samarkandda geçirilen mejlisinde kabul edildi.
Duşuşygyň jemleri boýunça wekiliýetler Patris Lumumba adyndaky halklaryň dostlugy Russiýa uniwersitetine žurnalist hünärmenlerini taýýarlamak we gaýtadan taýýarlamak boýunça GDA-nyň binýatlyk guramasy derejesini bermek hakynda karar kabul etdiler.
Şu ýylyň 5-13-nji awgustynda Belarus GDA döwletleriniň Oýunlaryny kabul eder. Bäsleşik maksatnamasyna woleýbol, çeperçilik gimnastikasy, ýeňil atletika, 3x3 basketbol, gandbol, boks, suwda ýüzmek we beýleki sport görnüşleri girizildi.
GDA döwletlerinden başga-da, Siriýa, Eýran, Müsür, Saud Arabystany, Hytaý, Malaýziýa, Liwan, BAE, Wýetnam we Kuba ýaryşlara gatnaşmaga isleg bildirdi.
