«Pari Sen-Žermeniň» futbolçysy Serhio Ramos Ispaniýanyň futbol ýygyndysynda karýerasyny tamamlaýandygyny mälim etdi diýip, rsport.ria.ru habar berýär.
“Men öz ýurduma ony buýsanç bilen 180 gezek abraýlap bilen adamyň duýgulary bilen öýden janköýerlik etmegi dowam ederin. Maňa hemişe ynananlaryň ählisine çyn ýürekden minnetdarlyk bildirýärin” – diýip, Ramos Twitterde ýazdy.
Oýunçynyň aýtmagyna görä, ol halkara karýerasyny milli ýygyndynyň täze tälimçisi Luis de la Fuenteniň jaňyndan soň tamamlady.
“Şu gün irden maňa tälimçi jaň edip, meniň nähili derejäni görkezip biljekdigime garamazdan maňa bil baglamaýandygyny we bil baglamajakdygyny aýtdy. Bu heniz dowam eder we ýakymly tamamlanar diýip pikir eden syýahatymyň gynandyryjy soňy boldy” – diýip, Ramos sözüniň üstüni ýetirdi.
Ramos 36 ýaşynda. Goragçy geçirilen oýunlaryň sany boýunça Ispaniýanyň milli ýygyndysynyň rekord eýesidir. Ol milli toparda ilkinji gezek 2005-nji ýylyň mart aýynda çykyş etdi we şondan bäri 180 oýna gatnaşyp, olarda 23 gol geçirip, 8 netijeli geçirim etdi. Ispaniýalylaryň düzüminde 2010-njy ýylda dünýä çempiony boldy we iki gezek Ýewropa çempionatynyň altyn medalyny gazandy (2008, 2012).
Soňky gezek Ramos milli ýygyndy üçin 2021-nji ýylyň 31-nji martynda oýnady.
