Bütindünýä banky Türkiýäniň günortasynda bolup geçen weýrançylykly ýertitremeden soň kömek bermek we onuň netijelerini ýok etmek üçin 1,78 mlrd dollar bölüp berýändigini habar berdi diýip, interfax.ru belleýär.
“Bütindünýä banky şu gün adatdan daşary kömegi bermek we Türkiýäni dikeltmek üçin 1,78 mlrd dollar bölüp berjekdigini habar berdi” – diýlip, BB-niň saýtynda ýerleşdirilen habarda aýdylýar.
Şeýle-de, BB-niň betbagtçylygyň gerimine düşünmek we dikeldiş hem-de täzeden gurmak işlerine goldaw bermek üçin ileri tutulýan ugurlary kesgitlemek maksady bilen ýitgini dessin bahalandyrmaga başlandygy bellenilýär.
Ýatlap geçsek, 7,7 bal ululykdaky weýrançylykly ýertitreme duşenbe gününe geçilýän gije boldy, onuň yzyndan bolsa birnäçe sarsgynlar hasaba alyndy, şolaryň biriniň ululygy 7,6 bala barabar.
