«Realyň» ýolbaşçylygy Habi Alonsony klubuň baş tälimçisi wezipesinde Karlo Ançelottiniň ornuny eýeläp biljek hünärmen hökmünde görýär. Bu barada ispan metbugaty habar berdi diýip, sovsport.ru belleýär.
Bellenilişi ýaly, Madridiň toparynyň öňki oýunçysyny eger-de ol şertnamasynyň möhletini uzaltmazlyk kararyna gelen ýagdaýynda çagyrmak göz öňünde tutulýar. Çeşmäniň maglumatlaryna görä, şa klubunyň wekilleri madridlileriň öňki oýunçysynyň ýaşlar düzümi bilen tälimçilik tejribesini hem-de Ispaniýadaky we Germaniýadaky işlerini göz öňünde tutup, ol geljekde topara ýolbaşçylyk edip biler diýip hasaplaýarlar.
Ýeri gelende bellesek, häzirki wagtda Alonso “Baýeriň” baş tälimçisidir. Şu möwsümde bu topar Bundesliganyň ýaryş jedwelinde 16 oýundan soň 21 utuk gazanyp, onunjy setiri eýeleýär.
