Futbol taryhynyň we statistikasynyň halkara federasiýasy (IFFHS) “PSŽ-niň” we Argentinanyň ýygyndysynyň hüjümçisi Lionel Messini 2022-nji ýylyň jemleri boýunça dünýäniň iň gowy oýunçysy diýip yglan etdi.
Argentinaly türgen 275 utuk toplap, “PSŽ-niň” we Fransiýanyň ýygyndysynyň 35 utuk toplan hüjümçi Kilian Mbappeden has öňe geçdi.
Dünýäniň iň gowy üç futbolçysynyň üçünjisi "Realyň" we Fransiýanyň milli ýygyndysynyň hüjümçisi Karim Benzema (30 utuk) boldy. Ilkinji bäşlige “Realyň” ýarym goragçysy Luka Modriç (15) we “Mançester Sitiniň” hüjümçisi Erling Holand (5) girdi.
Katarda geçen soňky dünýä çempionatynda Argentinanyň milli ýygyndysynyň düzüminde Lionel Messiniň ýaryşda ýeňiji bolandygyny ýatladýarys. Hüjümçi dünýä çempionatynyň iň gowy oýunçysy diýlip ykrar edildi. Turniriň dowamynda ol 7 pökgi geçirip, 3 gezek netijeli pas berdi.
