Ispaniýanyň milli ýygyndysynyň we «Barselonanyň» öňki goragçysy Žerar Pike futbol karýerasyna täzeden başlamagy meýilleşdirýär. 35 ýaşly ispaniýaly türgen «Andorrada» oýnamak isleýär. Ol bu klubyň eýesidir.
Relevo-nyň berýän maglumatyna görä, Pikeniň sporta gaýdyp gelmegine “Andorranyň” oýnaýan ikinji diwizionynyň maliýe düzgünleri päsgel berip biler.
2022-nji ýylyň noýabr aýynda Žerar karýerasynyň tamamlanandygyny yglan edipdi. Öňki futbolçy “Barselonanyň” ýetişdiren oýunçysy. Pike “Barselonanyň” düzüminde 616 duşuşykda oýnap, 28 kubok gazandy.
