Ispaniýanyň kazyýeti “Pari Sen-Žermeniň” we Braziliýanyň milli ýygyndysynyň futbolçysy Neýmary 2013-nji ýylda “Santosdan” “Barselona” geçmegi bilen bagly kazyýet işi boýunça aklady. Bu barada Reuters agentligine salgylanyp, sportrbc.ru habar berýär.
Şeýle-de, beýleki günäkärlenýänler – “Barselonanyň” öňki prezidentleri Žozep Bartomeu we Sandro Rose hem-de “Santosyň” öňki müdiri Odilio Rodriges aklandy.
Öň, prokuratura braziliýaly oýunçynyň iki ýyl azatlykdan mahrum edilmegini we 10 mln ýewro möçberinde jerime bellenmegini talap etdi. Ýöne oktýabr aýynyň ahyrynda ol futbolçydan we beýleki günäkärlenýänlerden korrupsiýa we kezzaplyk aýyplamalaryny aýyrdy.
Neýmar Kataloniýa klubyna “Santosdan” 57,1 mln ýewro geçdi. Soňrak “Barselonada” goşmaça tölegler barada gürrüň edildi, oýunçynyň kakasy bolsa ogly üçin, takmynan, 100 mln ýewro tölenendigini aýtdy.
Bu iş heniz 2016-njy ýylda oýunçy üçin 40% hukugynyň bardygyny ýaňzydan Braziliýanyň DIS maýa goýum kompaniýasy tarapyndan gozgaldy. Maýadarlar “Santosyň” oýunçysy bilen “Barselonanyň” ylalaşygynyň netijesinde özlerine degişli 40 mln ýewrony almandyklaryndan zeýrendiler. Bu kazyýet işi ýapylypdy, ýöne soňrak kazyýet ony gaýtadan garamaga iberdi.
