BAE-niň pasporty başga bir ýurda wizasyz giriş üçin şahadatnama görnüşinde halkara ýeňillikleri berýän resminamalaryň reýtinginde birinji orny eýeledi. Şeýle maglumatlary Kanadanyň Arton Capital konsalting kompaniýasy neşir etdi diýip, bigasia.ru habar berýär.
Onuň maglumatlaryna görä, Birleşen Arap Emirlikleriniň pasportynyň eýeleri wiza resmileşdirmezden 121 döwlete baryp bilýärler. 59 döwletiň wizasyny olar ýurda gelenlerinde almaly, diňe 18 döwlet giriş üçin resminamalary öňünden taýýarlamagy talap edýär.
Ikinji orny Awstriýanyň, Germaniýanyň, Italiýanyň, Ispaniýanyň, Lýuksemburgyň, Niderlandlaryň, Fransiýanyň, Finlýandiýanyň, Şweýsariýanyň, Şwesiýanyň we Günorta Koreýanyň pasportlary paýlaşdylar. Bu ýurtlaryň raýatlary 25 döwlete barmak üçin wiza resmileşdirmeli bolýar.
Reýtingde soňky orny (97) Owganystanyň pasporty eýeledi. Onuň eýelerine diňe bäş ýurda wizasyz girmäge rugsat berilýär.
