Marca: Ronaldu «An-Nasr» saud klubunda oýnar

  • 06.12.2022 23:27
  • 26017
Marca: Ronaldu «An-Nasr» saud klubunda oýnar

Portugaliýanyň futbol boýunça ýygyndysynyň hüjümçisi Kriştianu Ronaldu 2023-nji ýylyň 1-nji ýanwaryndan başlap Er-Riýad şäheriniň "An-Nasr" klubunyň oýunçysy bolar. Bu barada Marca neşiri habar berýär. 

Oýunçy bilen baglaşylan şertnama iki ýarym ýyllykdyr. 37 ýaşly futbolçynyň umumy girdejisi, mahabat şertnamalary üçin goşulan puly hem hasaba alsaň, bir möwsüm üçin 200 mln ýewro töweregi bolar.
Öň 22-nji noýabrda Ronaldunyň özara ylalaşyk esasynda iňlis "Mançester Ýunaýtedi" bilen şertnamasyny ýatyrandygy mälim edilipdi. Futbolçy klub üçin oýnan iki döwrüniň hem  içinde Angliýanyň üç gezek çempiony, Iňlis ligasynyň kubogynyň iki gezek eýesi boldy. Şeýle-de, Ronaldu UEFA-nyň Çempionlar ligasynyň, Dünýäniň klub çempionatynyň, Angliýanyň Kubogynyň we Superkubogynyň  hersinde bir gezekden utdy. Ronaldu "Mançester Ýunaýted" üçin oýnan oýunlarynyň 346-synda 145 gol saldy.
Şeýle-de portugaliýaly türgen ispan "Real"-ynyň we italýan "Ýuwentus"-ynyň düzüminde köp sanly titullary utdy. Portugaliýanyň ýygyndysy bilen bilelikde ol Ýewropanyň çempionatynyň we UEFA-nyň Milletler ligasynyň hersinde bir gezekden utuş gazandy. 
Häzirki wagtda Ronaldu dünýä çempionaty-2022-niň geçýän ýeri bolan Katarda.


düýn 22:12
3130

Klublaryň dünýä çempionatynyň ýarym finalynda «Real» «Al-Ahli» bilen duşuşar

Müsürli «Al-Ahli» futbol boýunça klublaryň dünýä çempionatynyň 1/4 finalynda Amerikanyň «Sietl» toparyny 1:0 hasabynda ýeňdi. Ýaryş Marokkoda geçirilýär. Mohamed Magdy «Al-Ahliniň» düzüminde ýeke-täk ýeňiş goluny...

03.02.2023 23:28
23508

Messi 2026-njy ýyldaky dünýä çempionatynda oýnamagyň mümkinçiligi baradaky sowala jogap berdi

«PSŽ-niň» we Argentinanyň ýygyndysynyň hüjümçisi Lionel Messi 2026-njy ýyldaky futbol boýunça dünýä çempionatyna gatnaşmagynyň mümkinçiligi baradaky sowala jogap berdi. “Bilmedim, ýaşym sebäpli gelmegiň gaty kyn...

01.02.2023 23:04
18327

«Çelsi» Premýer-liganyň taryhynda iň gymmat transferi amala aşyrdy

Lissabonyň  «Benfikasynyň» we Argentinanyň milli ýygyndysynyň ýarym goragçysy Enso Fernandes resmi taýdan Londonyň «Çelsi» toparynyň futbolçysy boldy.  Bu barada Portugaliýanyň Gymmatly kagyzlar bazary boýunça...

30.01.2023 18:16
19676

«Barselona» bilen «Real» Ispaniýanyň Kubogynyň ýarym finalynda duşuşarlar

Ispaniýanyň Kubogynyň ýarym final tapgyrynda Madridiň «Realy» bilen «Barselona» duşuşar. Klublaryň arasynda birinji oýun 1-nji ýa-da 2-nji martda «Santýago Bernabeo» stadionynda geçiriler, jogap duşuşygy 4,5 ýa...