Dowam edýän futbol boýunça dünýä çempionatynyň çäginde Katarda Qatar Camel Mzayen owadanlyk bäsleşigi boldy, onuň çäklerinde dünýäde "iň owadan" düýäni saýladylar.
Çäre ýakyn gündogar ýurdunyň myhmanlaryny ýerli medeniýet we däp-dessurlar bilen tanyşdyrmagy maksat edindi.
Ýurduň paýtagty Dohadan 25 km uzaklykda ýerleşýän Şahaniýe etrabynda geçen bäsleşige 700 düýe gatnaşdyryldy, olaryň bir bölegi ýurda Pars aýlagynyň dürli döwletlerinden getirilipdir.
Owadanlyk bäsleşigine gatnaşyjylary goldamaga DÇ-2022-niň janköýerleri hem bardy.
Düýeleriň eýelerine gowşurylýan sylag futbol pökgüsiniň şekilinde ýasalan.
Guramanyň tumary - "Humer" atly düýe, onuň aýagy futbol pökgüli, üstüne bolsa däp bolan katar geýimi geýdirilen.
"Huwer" arap dilinden terjime edilende "kiçijik düýe" diýmegi aňladýar.
Owadanlyk bäsleşiginiň baýrak gaznasy 10 million rial diýip bahalandyrylýar.
