Teslanyň baş direktory Ilon Maskyň berýän habaryna görä, işläp taýýarlaýjylar çynlakaý synagyň dowamynda tok bilen işleýän Semi ýük ulagynyň hakyky şertlerde zarýad berilmezden 800 km geçip biljekdigini tassykladylar.
Oktýabr aýynyň başynda Teslanyň ahyrsoňy öz tok bilen işleýän Semi ýük ulagyny öndürip başlajakdygy we eýýäm 2022-nji ýylyň 1-nji dekabryndan başlap ony Pepsi kompaniýasynyň sargydy boýunça ugradyp başlamagy meýilleşdirýändigi mälim boldy. Alkogolsyz içgileri öndürýän kompaniýa, Tesla öz täze ulagy bilen dünýäni tanyşdyranyna bary-ýogy bir aý geçen dessine, 2017-nji ýylyň dekabr aýynda 100 elektromobili sargyt etdi.
Semi 20 sekuntda, hatda "mas ýüklenen" ýagdaýynda hem, 0-dan 96 km/sag çenli badyny artdyryp we "şol tizligini gara ýolda bolşy ýaly, hatda dik kötellerde hem" saklap bilýär diýip, Tesla ynandyrýar.
Şeýle-de, Ilon Mask akkumulýator batareýasyna bary-ýogy 30 minudyň içinde 70%-e çenli zarýad berip bilersiňiz diýip wada edýär.Tesla kompaniýasy eýýäm 1-nji dekabrdan ilkinji Tesla Semi-leri ugratmaklyga bagyşlanan çäreleri geçirmekçi bolýandygyny tassyklady.
