Türkmenistanyň Daşary işler ministrligi Belarus döwletiniň daşary işler ministri Wladimir Makeýiň aradan çykmagy zerarly çuňňur gynanç bildirdi.
«Wladimir Wladimirowiç Belarus döwletiniň diplomatik gullugynyň ösmegine düýpli goşant goşdy, öz ýurdunyň daşary syýasatyny yzygiderli, berk hem tutanýerli durmuşa geçirdi, halkara syýasy giňişlikde onuň garaýyşlaryny öňe sürdi» — diýlip, Türkmenistanyň DIM-niň saýtynda ýerleşdirilen metbugat beýanynda aýdylýar.
Şeýle hem beýanda türkmen-belarus gatnaşyklaryny berkitmekde we ösdürmekde Makeýiň bitiren hyzmatlary aýratyn nygtaldy.
Makeý 26-njy noýabrda 64 ýaşynda aradan çykdy. Ol Belarus döwletiniň daşary işler ministri wezipesini 2012-nji ýylyň 22-nji awgustyndan bäri eýeläp gelýärdi.
