Hususy wirtual ulgamlaryň “NordVPN” prowaýderi “Norstat” kompaniýasyndan haýsy ýurtlaryň we şäherleriň ulanyjylarynyň internetde has köp wagt geçirýändiklerini anyklamak üçin gözegçilik geçirmegi sargyt etdi. Onuň netijeleri barada ferra.ru ýazýar.
Görlüp oturylsa, dünýäniň beýleki ýurtlarynyň ilaty bilen deňeşdirilende, Gonkongyň ýaşaýjylary wagtyny internetde has köp geçirýän ekenler.
Hasaplamalar gonkongly ulanyjylaryň internetde geçirýän umumy wagtynyň olaryň tutuş ömrüniň ýarsyna deňdigini subut edýär. Olar internetde doglan senesi, at, familiýasy, doly öý salgysy, maşgala ýagdaýy, döwlet ätiýançlandyryş belgisi, şahsy we maşgala suratlary ýaly dürli gizlin maglumatlary hem paýlaşýarlar.
