Portugaliýaly hüjümçi Kriştianu Ronaldu “Mançester Ýuneýtedden” giden soňra, işini dowam etdirmek üçin iki sany topary göz öňünde tutýar. “Marca” neşiri ýyldyz oýunçynyň Angliýanyň “Nýukasl” ýa-da Saud Arabystany Patyşalygynyň “Al-Nasr” toparlaryna geçmegi göz öňünde tutýandygyny ýazýar. Bu maglumaty gazeta.ru paýlaşýar.
Ýeri gelende, agzalan klublaryň ikisiniň hem Saud Arabystanyň Patyşalygynyň Mirasdüşer Şazadasy Muhammed bin Salmana degişlidigini aýtmak gerek.
22-nji noýabrda “Mançester Ýunaýted” Ronaldu bilen baglaşylan ylalaşygy möhletinden öň ýatyrýandygyny mälim etdi. Klubuň beýanatynda bu çözgüdiň iki tarapyň hem ylalaşygy esasynda kabul edilendigi bellenilýär.
Mälim bolşy ýaly, 37 ýaşly Ronaldu golaýda žurnalist Pirs Morgana beren interwýusynda “Mançester Ýunaýtediň” tälimçiler ştabyny, ýolbaşçylygyny hem-de alyp barýan syýasatyny köpçüligiň öňünde tankyt etdi. Şonda soňra klub futbolçy bilen baglaşan ylalaşygyny möhletinden öň bes etmek hakynda çözgüdi kabul etdi. Geçirilen gepleşiklerden soňra, taraplar mundan soňra aýry ýoldan gitmek hakynda özara netijä geldiler.
Habar beriş serişdeleri “Mançester Ýunaýtediň” ylalaşyk ýatyrylandan soňra, hüjümçä öwez tölegini tölemejekdigini ýazýarlar.
