Amerikan režissýory, ssenariýaçysy we prodýuseri Stiwen Spilberg 73-nji Halkara Berlin kinofestiwalynyň abraýly "Altyn aýy" baýragynyň eýesi bolar diýip, guramaçylar habar berdiler.
"73-nji Halkara Berlin kinofestiwaly amerikan režissýory, ssenariýaçysy we prodýuseri Stiwen Spilbergi dirikä gazanan üstünlikleri üçin abraýly "Altyn aýy" baýragy bilen sylaglar" - diýip, kino görkeziliş saýtyndaky habarda aýdylýar.
Sylaglaýyş dabarasynyň çäklerinde režissýoryň täze işi bolan "Fabelmanlar" filmi görkeziler.
Berlinaleniň şärikli ýolbaşçylary Mariett Rissenbek bilen Karlo Şatrianyň belleýşi ýaly, "Spilberg kärinde ussatlygy bilen diňe bir tomaşaçylaryň dünýä boýunça nesillerini ýesir etmek bilen çäklenmän, eýsem, kino arzuw-hyýallaryň fabrigi hökmünde täze mana eýe etdi".
Berlin kinofestiwaly, Kann we Wenesiýa bilen deň hatarda, has abraýly dünýä kino görkezilişleriniň biri hasaplanyp, 1951-nji ýyldan bäri geçirilýär. Kinofestiwalyň baş baýragy — "Altyn aýy". Hasap boýunça 73-nji görkeziliş 16-26-njy fewral aralygynda geçer.
