S7 Airlines rus awiakompanýasy 2022-nji ýylyň dekabr aýyndan başlap, Moskwa-Türkmenbaşy-Moskwa ugry boýunça howa gatnawlarynyň sanyny artdyrar. Täze ýola goýuljak gatnaw penşenbe güni amala aşyrylar — diýlip, Russiýa Federasiýasynyň Türkmenistandaky Ilçihanasynyň Telegram kanalynda ýerleşdirilen bildirişde aýdylýar.
Ýatlatsak, Russiýanyň S7 awiakompaniýasy 2022-nji ýylyň 17-nji oktýabrynda Türkmenistana yzygiderli howa gatnawlaryny dikeldipdi. Uçuş her hepdäniň duşenbe günleri ýerine ýetirilýärdi.
Indi S7 Airlines Moskwa-Türkmenbaşy-Moskwa ugry boýunça hepdede iki gezek — duşenbe we penşenbe günleri şu tertipde gatnawlary ýerine ýetirer:
S7-3237 gatnawy Moskwa – uçuş wagty 03:30
Türkmenbaşy – gonuş 09:08
S7-3238 gatnawy Türkmenbaşy – uçuş 10:05
Moskwa – gonuş 11:35
Uçuş-gonuş wagty iki şäher üçin hem ýerli wagtda görkezilen. Uçuş dowamlylygy 3,5 sagat töweregi.
