Portugaliýa bug gazlarynyň zyňyndylarynyň nol derejesine 2045-nji ýyla çenli, ýagny meýilleşdirilenden bäş ýyl çalt ýetmek kararyna geldi. Bu ýurtdaky bug gazlarynyň umumy göwrüminiň tebigy ýagdaýda, mysal üçin, agaçlar tarapyndan doly siňdirilip bilinjek möçberden köp bolmazlygyny aňladýar. Munuň üçin Portugaliýada netijede ýurduň zerurlyklarynyň 80%-ini üpjün etjek Gün, ýel we wodorod elektrik energiýasy ösdüriler. Bu barada euro-pulse.ru habar berýär.
Ýurtda eýýäm kömür bilen işleýän iň soňky elektrik stansiýasy hem ýapyldy.
Mundan başga-da, 2032-nji ýyla çenli Portugaliýanyň ähli howa menzilleri bug gazlarynyň biri bolan kömürturşy gazynyň zyňyndylarynyň bitarap derejesini gazanmaga çalyşýarlar. Şeýlelik bilen, Portugaliýa klimatik taýdan bitarap howa menzilleri bolan dünýäde ilkinji ýurt bolar.
Ýewropa Bileleşigi 2050-nji ýyla çenli bug gazlarynyň zyňyndylaryny nol derejä çykarmagy meýilleşdirýär. Käbir ýurtlar bolsa has uly maksatlary goýýar, mysal üçin, Finlýandiýa 2035-nji ýyla çenli, Awstriýa bolsa 2040-njy ýyla çenli zyňyndylaryň derejesini nola getirmekçi bolýar.
