Häzirki günlerde bazarlarda giňden ýaýran miweleriň biri-de hurmadyr. Onuň peýdasy barada russiýaly dietolog lukman, gastroenterologyň berýän maslahatlaryny ferra.ru paýlaşýar.
Lukmanyň nygtaýşy ýaly, hurma öz düzüminde kaliý duzuny saklaýandygy bilen ýürek-damar kesellerinden goraýar. Şeýle-de hurmada köp kletçatka, C witamini, mikroelementler we karotin bar. Şoňa görä-de, hurma gözüň görejine, immunitete oňyn täsirini ýetirýär.
Hurma böwrek kesellerinde, bedende suwuklyk saklananda gowy kömek edýär. Lukman onuň diuretik häsiýetiniň hem bardygyny aýdýar.
Ýeri gelende bellesek, Hurma Gündogar Aziýada – Hytaýda we Ýaponiýada döräpdir. Bu önüm Ýewropa XIX asyrda aralaşýar. Häzirki wagtda dünýäde bäş ýüz töweregi hurma görnüşi bar. Bu miwäniň iň köp ýaýran görnüşi bolsa «Gündogar hurmasy» diýlip atlandyrylýan görnüşidir. Hurmanyň bu görnüşi örän süýji-de däl, gaty-da. Gündogar hurmasyny sowadyjyda doňdurylanyndan soň ýa-da birnäçe gün alma bilen bir haltada saklananyndan soň iýip bolýar.
Hurma çalt horlanmak üçin mono-dietanyň düzüm bölegi hökmünde ulanylýar. Hut şu nukdaýnazardan-da, düzüminde şekeriň we kaloriýanyň örän känligi sebäpli, köplenç, köp mukdarda hurma iýilýär. Ýöne, diýetologiýa hünärmenleri beýle berhiz bilen meşgullanmagy maslahat bermeýärler.
