Ispaniýanyň «Real» futbol kluby UEFA-nyň Superkubogy ugrundaky duşuşykda Germaniýanyň «Aýntrahtyny» 2:0 hasabynda ýeňdi. Duşuşyk çarşenbe güni Helsinkide Olimpiýa stadionynda geçirildi.
Ýeňijileriň düzüminde gollary Dawid Alaba (37-nji minut) we Karim Benzema (65) geçirdi. Benzema üçin bu gol «Realyň» düzüminde 324-njidir. Bu görkeziji boýunça Benzema Rauldan öňe geçip, ikinji orna çykdy. Birinji orunda 450 gol bilen Kriştianu Ronaldu ýerleşýär.
«Real» UEFA-nyň Superkubogyny bäşinji gezek eýeledi. Öň, ispan kluby 2002-nji, 2014-nji, 2016-njy we 2017-nji ýyllarda bu kubogy eýeledi. UEFA-nyň Superkubogynda ýeňişleriň sany boýunça «Real» «Barselona» we «Milan» bilen deňleşdi.
