Duşenbe gününiň söwdalaşyklarynyň maglumatlary geçen söwda hepdesiniň ýitgileriniň öwezini dolmak bilen, altynyň bahasynyň galyp ugrandygyna şaýatlyk edýär.
Aşgabat wagty bilen 20.53-däki ýagdaýa görä, altynyň awgust fýuçersiniň bahasy Nýu-Ýorkuň Comex biržasynda 3,95 dollar ýa-da 0,23%, troý unsiýasy 1707,55 dollara çenli galdy. Kümşüň sentýabr fýuçersi 1.09% - unsiýasy 18,797 dollara çenli gymmatlady.
Duşenbe güni gymmat metallaryň bazarynda geçen hepdäniň jemleri boýunça troý unsiýasy 1700 dollardanam aşak düşen, şu döwür içinde 2% bahasyny ýitiren altynyň bahasynyň ýaňadan göterilip ugrandygyny görmek bolýar.
Mundan hem başga, duşenbe günündäki oňyn ösüşe dollaryň bahasynyň beýleki walýutalara garanda aşaklandygy öz täsirini ýetirýär. Şeýlelikde, dollaryň indeksi 0,74%, 107,26 punkta çenli düşýär. CME Group portaly tarapyndan pikir soraşylan seljerijileriň aglabasy ABŞ-nyň Federal ätiýaçlyk ulgamy indiki mejlisde esasy göterimli goýumy 75 bazis punktuna, ýyllyk 2,25%-2,5%-e çenli galdyrar diýip çak edýärler. Bilermenleriň diňe 30%-i 100 bazis nokat, ýyllyk 2,5-2,75%-e çenli galmagyna garaşýarlar.
