Belli insaýder Fabrisio Romano sosial ulgamda Daniýanyň milli ýygyndysynyň ýarym goragçysy Kristian Erikseniň "Mançester Ýunaýted" bilen şertnama baglaşandygyny gürrüň berdi.
Öň "Mançester Ýunaýtediň" iýulda birbada bäş futbol geleşigini amala aşyrmaga taýýarlanýandygy habar berlipdi.
Kristian Erikson ýüregine operasiýa edilip, kardiostimulýator goýlandan soňky dikeldiş döwründe bolany üçin 2021/2022 möwsümiň birinji bölegini sypdyrypdy.
Möwsümiň ikinji böleginde daniýaly oýunçy «Brentfordyň» düzüminde oýnady we Angliýanyň Premýer-ligasynyň 11 oýnunda çykyş edip, bir gol geçirdi we dört gezek netijeli pas berdi. Tamamlanan möwsümde Kristian ýygyndy üçin iki sany ýoldaşlyk duşuşygynda oýnap, iki goly bilen tapawutlandy.
