Saud Arabystany 2022-nji ýylda her ýurtdan haj parzyny berjaý etmek üçin zyýaratçylaryň mümkin bolan sanyny kesgitledi. Şeýlelikde, şu ýylda Türkmenistandan 2083 adam haj parzyny berjaý edip biler diýip, Al-Kanz habar berýär.
Ýakynda Saud Arabystany daşary ýurtly zyýaratçylara soňky üç ýylda ilkinji gezek haja gitmäge (Mekgä zyýarat etmek) rugsat berdi. Haj parzyny berjaý etmäge rugsat berilýän zyýaratçylaryň sany 1 mln adama çenli artdyryldy.
Şeýlelikde, şu ýyl COVID-19-a garşy sanjym alan 65 ýaşdan kiçi adamlar Mekgä zyýarat edip bilerler. Zyýaratçylar gelenlerinden soň koronawirus üçin PZR-barlagynyň otrisatel netijesini görkezmeli bolarlar.
