UFC-niň metbugat gullugy Twitterde UFC-niň guşagyna eýe bolan braziliýaly Çarlz Oliweýra bilen öň wagtlaýyn titula eýe bolan 33 ýaşly amerikaly Jastin Getjiniň arasynda ýeňil agramda titul söweşiniň geçiriljekdigini resmi taýdan tassyklady. Söweş 8-nji maýa geçilýän gije Finiksdäki “Futprint-Sentr” stadionynda geçiriler.
Ýatlap geçsek, Oliweýra amerikaly Maýkl Çendleri ýeňip, russiýaly Habib Nurmagomedow tarapyndan boşadylan ýeňil agramda UFC-niň guşagyna eýe boldy. Çarlz soňky gezek ABŞ-nyň wekili Dastin Porýe bilen söweşdi. Söweş UFC 269 turnirinde geçirildi we Oliweýranyň demikdiriji emel arkaly ýeňmegi bilen tamamlandy.
Jastin Getji soňky gezek 2021-nji ýylyň noýabr aýynda söweşdi we UFC 268-iň esasy söweşleriniň birinde emin agzalarynyň biragyzdan karar bermegi bilen Maýkl Çendleri ýeňdi.
Şeýle-de, şwesiýaly Hamzat Çimaýew bilen braziliýaly Gilbert Býornsiň arasyndaky söweşiň hem senesi belli boldy. Duşuşyk 10-njy aprelde Jeksonwillde (ABŞ) UFC 273 turnirinde geçiriler.
