Senegalyň milli ýygyndysy Afrikan milletleriniň Kubogy - 2021-iň finalynda Müsürden üstün çykdy. Duşuşyk Kamerunyň Ýaunde şäherindäki Pol Biý stadionynda geçirildi. Duşuşygyň esasy we goşmaça wagty 0:0 hasabynda tamamlandy, 11 metrlik jerime urgularynda senegallylar 4:2 hasabynda ýeňmegi başardylar.
Senegal oýnuň eýýäm 7-nji minudynda hasaby açyp bilerdi, emma Sadio Mane 11 metrlik urgyny dürs ýerine ýetirip bilmedi. Müsüriň derwezebany «Liwerpulyň» hüjümçisiniň urgusyny saklamagy başardy.
Oýnuň ahyryndaky 11 metrlik jerime urgularynda jemleýji goly Mane geçirdi. Ondan öň, Senegalyň derwezebany Mohanad Laşiniň urgusyny saklady.
Senegal taryhynda ilkinji gezek Afrikanyň Kubogyny gazandy. Müsür bu baýragy ýedi gezek gazanypdy. Bu rekord görkezijidir.
