Russiýaly dietolog Ýelena Solomatina kakaonyň adamlar üçin nähili peýdasynyň bardygy barada gürrüň berdi. Lukmanyň aýtmagyna görä, kakao goýy ganyň emele gelmeginiň, insultyň we infarktyň öňüni alýan içgidir. Kakao magniý bilen antioksidantlara baý bolýar. Bu önüm holesterin döremelerine garşy göreşýär, damarlara oňyn täsirini ýetirip, beýniniň işleýşini gowulandyrýar.
Şol bir wagtyň özünde kakao ýokary gan basyşda-da kömek edýär we hiç hili zyýanly täsirleri ýüze çykarmaýar, özüne öwrenişdirmeýär.
“Belli bolşy ýaly, kakao kakao-tozundan ýasalýar, ýagny ýag aýrylandan soň kakao künjarasy galýar. Ýagyň ýokdugyna garamazdan, ol ýerde antioksidantlar saklanýar, polifenollar galýar. Gyzyl çakyrdaky we üzümdäki ýaly tebigy antioksidantlar. Ol ýaşlyk gormonlaryny işjeňleşdirýär” – diýip, Solomatina belledi.
