«Zenitiň» türkmen gelip çykyşly eýranly hüjümçisi Serdar Azmun «Baýere» eýýäm şu gyşda geçip biler, ýöne eger-de rus kluby oňa derek «Internasionalyň» hüjümçisi Ýuri Alberto bilen ylalaşyk gazanyp bilen ýagdaýynda bu geleşik başa barar diýip, Kicker habar berýär.
Çeşmäniň maglumatlaryna görä, eger-de «Zenit» Alberto bilen gol çekişip bilse, onda Azmuny «Baýera» az mukdarda tölege şu gyşda goýberip biler.
Ýatlatsak, geçen hepdede Azmun «Baýer» bilen 2027-nji ýyla çenli şertnama gol çekişdi. Häzirki ýagdaýda futbolçy lewerkuzen klubyna 2022-nji ýylyň tomsunda «Zenit» bilen şertnamasy tamamlanandan soň geçmeli.
Häzirki möwsümde ähli ýaryşlarda 21 oýunda Azmun 10 gol geçirdi we dört sany netijeli ýardam pasyny etdi. Azmun «Zenitiň» düzüminde 2019-njy ýyldan bäri çykyş edip gelýär.
