Hindistanyň Goa ştatynyň Kalangut şäherinde “Mançester Ýunaýtediň” we Portugaliýanyň milli ýygyndysynyň hüjümçisi Kriştianu Ronaldunyň hormatyna heýkel oturdyldy. Bu barada sport-express.ru habar berdi.
Goanyň ministri Maýkl Lobo heýkeliň oturdylmagy barada teswir berdi. “Times of India” gazetiniň habaryna görä, heýkeliň bahasy 15 müň ýewro barabar, agramy bolsa 400 kilogramdan gowrakdyr.
"Futbola bolan söýgi sebäpli hem-de ýaşlarymyzyň haýyşy boýunça, olary futboly täze belentliklere çykarmaga ruhlandyrmak maksady bilen, biz seýilgähde Kriştianu Ronaldunyň heýkelini dikdik" - diýip, Lobo özüniň Twitter sahypasynda ýazdy.
