Doly göwrümli «Raýýa we soňky aždarha» multfilmi her ýyl geçirilýän Anni Awards baýraklaryna iň köp ugur boýunça dalaşgär görkezildi. Bu barada slovodel.com habar berdi.
Doly göwrümli “Raýýa we soňky aždarha” animasiýa filmi jemi on ugur boýunça baýraga dalaşgär görkezilip, bu babatda öňdebaryjylygy eýeledi. Ondan soň dokuz ugur boýunça dalaşgärlige hödürlenen “Enkanto” ýerleşdi. "Luka" we "Mitçeller maşynlara garşy" multfilmleri bolsa hersi sekiz ugur boýunça baýraga hödürlendi.
Bu dört filmiň hemmesi iň oňat animasiýa filmi üçin baş baýraga dalaşgär görkezildi. Şeýle-de, dalaşgärleriň sanawyna “Zweropoý-2” hem girýär.
Baýragyň ýeňijileri 22-nji fewralda yglan ediler.
