Berdimuhamedow häkimler we käbir ýolbaşçylar bilen iş maslahatyny geçirdi

  • 21.12.2021 08:42
  • 13k+

20-nji dekabrda Türkmenistanyň Prezidenti Gurbanguly Berdimuhamedow Ministrler Kabinetiniň Başlygynyň käbir orunbasarlary, birnäçe ministrlikleriň we pudaklaýyn dolandyryş edaralarynyň ýolbaşçylary, Aşgabat şäheriniň hem-de welaýatlaryň häkimleri bilen sanly ulgam arkaly nobatdaky iş maslahatyny geçirdi. Onda ýurdumyzyň sebitlerini durmuş-ykdysady taýdan ösdürmek, möwsümleýin oba hojalyk işleriniň alnyp barlyşy, paýtagtymyzyň abadanlaşdyrylyşy, Täze ýyly garşylamaga taýýarlyk görlüşi baradaky meseleler ara alnyp maslahatlaşyldy.

Iş maslahatynda, ilki bilen, Ministrler Kabinetiniň Başlygynyň obasenagat toplumyna gözegçilik edýän orunbasary E.Orazgeldiýew we welaýatlaryň häkimleri hasabat berdiler. Hususan-da, ýolbaşçylar ýurdumyzyň oba hojalyk işleriniň alnyp barlyşy, hususan-da, şu günler welaýatlaryň bugdaý ekilen meýdanlarynda howa şertlerine laýyklykda, ösüş suwuny tutmak we mineral dökünler bilen iýmitlendirmek işleriniň ýerine ýetirilýändigi, bugdaýa ideg etmekde oba hojalyk tehnikalarynydyr gurallaryny netijeli işletmek boýunça zerur çäreleriň görülýändigi barada hasabat berdiler.

Ilaty özümizde öndürilen ýeralma hem-de gök-bakja önümleri bilen bolelin üpjün etmek, olaryň daşary ýurtlardan getirilýän möçberlerini azaltmak hem-de eksport mümkinçiliklerini ýokarlandyrmak maksady bilen, bu ekinleriň ekilýän meýdanlaryny giňeltmek zerur diýip, türkmen Lideri belledi hem-de sebitlerde Täze ýyl baýramçylygyny ýokary derejede guramak babatda degişli tabşyryklary berdi.

Soňra Aşgabat şäheriniň häkimi R.Gandymow we Ministrler Kabinetiniň Başlygynyň orunbasary Ç.Purçekow hasabat berdi. Olar Aşgabat şäherini mundan beýläk-de abadanlaşdyrmak, arassaçylyk kadalaryny berjaý etmek, ýakynlaşyp gelýän Täze ýyl baýramyny ýokary derejede mynasyp garşylamak boýunça görülýän taýýarlyk işleri barada hasabat berdiler.


düýn 18:56
2.5k+

Türkmenistanyň biržasy müşderiler üçin täze «Şahsy otag» ulgamyny işe girizdi

Türkmenistanyň Döwlet haryt-çig mal biržasy resmi saýtynda müşderiler üçin täze «Şahsy otag» ulgamyny işe girizdi. Ulgam hödürlenýän hyzmatlaryň aýdyňlygyny, elýeterliligini we netijeliligini ýokarlandyrmak üçin döredildi...

düýn 18:21
2.7k+

Hytaýyň täze ilçisi Szi Şumin Türkmenistana geldi

19-nji iýulda Hytaý Halk Respublikasynyň Türkmenistandaky täze bellenen Adatdan daşary we Doly ygtyýarly ilçisi Szi Şumin maşgalasy bilen bilelikde Aşgabada geldi. Aşgabadyň halkara howa menzilinde ilçini Türkmenistanyň Daşary işler ministrliginiň wekilleri we HHR-iň ilçihanasynyň işgärleri garşyladylar...

düýn 14:07
5.6k+

Awazada geçiriljek BMG-niň halkara maslahatynyň (LLDC3) ýörite ykjam goşundysy işlenip düzüldi

4-8-nji awgust aralygynda «Awaza» milli syýahatçylyk zolagynda geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahatyna gatnaşjaklar üçin LLDC3 ykjam goşundysy işlenip düzüldi...

düýn 12:20
2.7k+

Aşgabat we Kabul bilelikdäki taslamalary işjeňleşdirmek mümkinçiliklerini maslahatlaşýar

Aşgabatda Türkmenistanyň daşary işler ministriniň orunbasary Ahmet Gurbanow bilen Owganystanyň ýurdumyzdaky ilçisi Fazl Mohammad Saberiň duşuşygy boldy. Bu barada Bakhtar news agentligi Owganystanyň Aşgabatdaky diplomatik wekilhanasyna salgylanyp habar berýär...