Iki gezek dünýä çempiony Ronaldo «Kruzeýro» futbol klubyny satyn alar

  • 19.12.2021 23:33
  • 12k+

Braziliýanyň milli ýygyndysynyň ozalky hüjümçisi Ronaldo «Kruzeýro» futbol klubyny satyn alýar. Geljekki şertnama barada «Kruzeýronyň» prezidenti Seržiu Rodriges tarapyndan Instagram-da göni ýaýlymda yglan edildi. Bu barada Day.Az habar berýär.

«Kruzeýro» Ronaldonyň karýerasynda ilkinji professional klub boldy. Ol bu toparda 1993-1994-nji ýyllarda çykyş etdi, soňra Niderlandlaryň «PSV» klubyna geçdi. 

“Men “Kruzeýro” köp zatda borçly. Men onuň mynasyp orny eýelemegini isleýärin. Öňde edilmeli işler köp, heniz baýram edip bellemeli zat ýok, ýöne biziň isleglerimiz uly” – diýip, Ronaldo aýtdy we klubyň janköýerlerini münberlere dolanyp, topary goldamaga çagyrdy.

Häzirki wagtda “Kruzeýro” kyn günleri başdan geçirýär: topar bassyr üçünji ýyl ýokary liga dolanyp bilenok, toplanan karz möçberi bolsa, takmynan, 660 mln reala (115 mln dollardan gowrak) barabar. “Kruzeýronyň” häzirki prezidentiniň belleýşi ýaly, toparyň ýetişdiren oýunçysy klubyň mažoritar paýdary bolar. Ronaldo Ispaniýanyň “Walýadolid” kluby hem degişlidir. 

Ronaldo Braziliýanyň milli ýygyndysynyň düzüminde iki gezek dünýä çempiony (1994, 2002) boldy. Ol Ispaniýanyň “Barselona” (1996-1997), Italiýanyň “Inter” (1997-2002), Ispaniýanyň “Real” (2002-2007), Italiýanyň “Milan” (2007-2008) we Braziliýanyň “Korintians” (2009-2011) klubynda oýnady. Iki gezek ýylyň iň gowy futbolçysyna berilýän baýragyň – “Altyn topuň” eýesi boldy (1997, 2002).


şu gün 12:13
1.1k+

Forbes tomusda oýunçylar üçin has köp çykdajy eden 10 futbol klubunyň reýtingini düzdi

1-nji sentýabrda Ýewropa futbolynda tomusky transfer penjiresi ýapyldy. Bu gezek Angliýadan klublar örän köp şertnama baglaşdy. Premýer-liganyň klublary oýunçy satyn almak üçin rekord 3,11 mlrd funt sterling (3,5 mlrd ýewrodan gowrak) sarp etdi, bu bolsa beýleki öňdebaryjy Ýewropa ligalarynyň bilelikdäki çykdajylaryndan hem ýokarydyr...

düýn 09:47
10k+

CAFA Milletler kubogynda Türkmenistanyň milli ýygyndysy Özbegistandan utuldy

2-nji sentýabrda Türkmenistanyň milli ýygyndysy Merkezi Aziýanyň Futbol Assosiasiýasynyň (CAFA) Milletler Kubogynyň ikinji tapgyrynda Özbegistanyň ýygyndysyna garşy oýnady. Duşuşyk Daşkentdäki «Olimpiýa» stadionynda geçirildi we ýer eýeleriniň peýdasyna 2:1 hasabynda tamamlandy...

02.09.2025 14:54
5.3k+

Donnarumma “PSŽ-den” “Mançester Sitä”, Ederson “Fenerbahçä” gidýär

Italiýaly derwezeban Janluiji Donnarumma karýerasyny “Mançester Sitide” dowam etdirer. Iňlis kluby fransuz “Pari Sen-Žermeni” bilen futbolçynyň transferi barada ylalaşyk gazandy. Transfer mukdary 39 mln ýewro bolar diýip, žurnalist Fabrisio Romano X sosial ulgamynda habar berdi...

02.09.2025 13:07
5.6k+

“Liwerpul” Isak bilen şertnama baglaşdy: bu futbol taryhynda iň gymmat üçünji transfer

Şwesiýanyň milli ýygyndysynyň hüjümçisi Aleksandr Isak “Liwerpul” bilen alty ýyllyk şertnama baglaşdy. Ol toparda 9-njy belgini aldy diýip, klubuň metbugat gullugy habar berdi. The Athletic-iň we žurnalist Fabrisio Romanonyň maglumatlaryna görä, klub 25 ýaşly hüjümçiniň geçmegi üçin “Nýukasla” 125 mln funt (144 mln ýewro) töledi...