“Bawariýanyň” hem-de Polşanyň milli ýygyndysynyň hüjümçisi Robert Lewandowski France Football neşiri tarapyndan ýylyň iň gowy hüjümçisi diýlip saýlandy. Bu barada championat.com habar berdi.
Fransuz neşiriniň bu baýragy ilkinji gezek gowşurýandygy bellärliklidir. Ol bir senenama ýylynda klubuň we milli ýygyndynyň düzüminde iň köp gol geçiren oýunça gowşurylar. 2021-nji ýylda Lewandowski kluby we milli ýygyndysy üçin 64 gol geçirdi.
Geçen möwsümiň ahyrynda Lewandowski “Altyn aýakgap” baýragyny gazanyp, Ýewropa milli çempionatynda iň köp gol geçiren oýunçy boldy (Bundesliganyň 29 oýnunda 41 gol).
33 ýaşly oýunçy şu möwsümdäki ähli ýaryşlarda "Bawariýa" üçin 20 oýunda 25 gol geçirdi we 2 asist etdi.
