Rangnik “Mançester Ýunaýted” futbol klubynyň wagtlaýyn tälimçisi wezipesine bellendi

  • 29.11.2021 19:12
  • 5.6k+

Angliýanyň “Mançester Ýunaýted” futbol kluby germaniýaly Ralf Rangnigi toparyň wagtlaýyn tälimçisi wezipesine belledi. Bu barada klubuň metbugat gullugy habar berýär diýip, TASS belleýär. 

Şertnama iş wizasyny almak şerti bilen şu möwsümiň ahyryna çenli niýetlenýär. Şertnamanyň möhleti tamamlanandan soň hünärmen klubda maslahatçy hökmünde işini dowam etdirer. 21-nji noýabrda işden çykarylan norwegiýaly Ule Gunnar Sulşeriň ornuny çalşyran, baş tälimçi wezipesini ýerine ýetiriji Maýkl Karrik Rangnik wiza alýança topar bilen işleşmegini dowam etdirer. 

“Men “Mançester Ýunaýtede” goşulandygyma örän begenýärin we şu möwsümi klub üçin üstünlikli etmäge ünsi jemlärin. Topar zehinli bolup, onda ýaşlyk we tejribe utgaşýar. Geljek alty aýyň dowamynda meniň ähli tagallalarym bu oýunçylara potensialyny hem indiwidual, hem topar bilen bilelikde durmuşa geçirmek üçin kömek etmäge gönükdiriler. Mundan başga-da, men konsultasion esasda klubuň uzak möhletli maksatlaryny goldamak mümkinçiligine sabyrsyzlyk bilen garaşýaryn” – diýip, Rangnik aýtdy.

Rangnik 63 ýaşynda, ol tälimçi hökmünde iki gezek Germaniýanyň “Leýpsig” klubuna ýolbaşçylyk etdi (2015-2016; 2018-2019). Onuň işlän döwründe “Leýpsig” Germaniýanyň bürünç baýrakçysy boldy, şeýle-de ýurduň kubogynyň finalyna çykdy. Rangnik “Şalkede”, “Hoffenhaýmda”, “Gannowerde” we “Ştutgartda” baş tälimçi bolup işledi. “Şalke” bilen bilelikde ol Germaniýanyň kubogyny aldy we milli birinjiligiň kümüş medallaryna eýe boldy.

“Mançester Ýunaýted” 13 oýunda 18 utuk gazanyp, Angliýanyň çempionatynyň turnir sanawynda sekizinji orny eýeleýär. Angliýanyň kluby öň özi üçin Çempionlar ligasynyň pleý-offuna çykmagy kepillendiripdi. 


düýn 16:29
2.7k+

Nowak Jokowiç “Le-Man” fransuz futbol klubunyň maýadary boldy

Braziliýanyň OutField wençur gaznasy “Le-Man” fransuz futbol klubunyň egindeş eýesi boldy. Klubuň maýadarlarynyň biri serbiýaly tennisçi Nowak Jokowiç boldy diýlip, toparyň resmi saýtynda habar berilýär. Dünýäniň öňki birinji raketkasyndan başga-da, maýa goýum taslamasyna gatnaşyjylaryň arasynda “Formula-1-iň” öňki iki sürüjisi: braziliýaly Felipe Massa we daniýaly Kewin Magnussen bar...

düýn 16:26
3k+

“Bawariýa” ýüz ýyl ozalky logotip bilen oýun eşigini hödürledi

Mýunheniň “Bawariýasy” geljek möwsüm üçin üçünji eşik toplumyny hödürledi. Toplumyň dizaýny gözenek nagşy bilen gara reňkde ýerine ýetirildi. Köýnekçäniň ýeňiniň agzy we ýakasy gyzyl, şeýle-de ýaşyl öwüşginler bilen bezeldi...

02.08.2025 19:29
14k+

Son Hyn Min «Tottenhemden» gidýändigi barada habar berdi

Londonyň “Tottenhem” futbol klubunyň hem-de Günorta Koreýanyň milli ýygyndysynyň hüjümçisi Son Hyn Min iňlis toparyndan gidýändigini mälim etdi. Klubuň kapitany tomusky transfer döwründe topar bilen hoşlaşar diýip, Sky Sports habar berýär...

02.08.2025 17:43
9.9k+

UEFA Çempionlar ligasynyň finalynda janköýerleriň başbozarlygy üçin “PSŽ-ä” jerime saldy

UEFA “Pari sen-Žermen” klubuna Çempionlar ligasynyň finalynda klubuň janköýerleriniň özüni talabalaýyk alyp barmandygy üçin 148 müň ýewro jerime saldy. Bu barada Sport.es neşiri habar berýär. Final oýnunda fransuz kluby Milanyň “Interini” 5:0 hasabynda utup, ilkinji gezek Ýewropanyň esasy klub ýaryşynyň ýeňijisi boldy...