«Tottenhem» Antonio Konteni klubuň baş tälimçisi edip belledi. Bu barada degişli maglumat Twitterde habar berildi.
52 ýaşly hünärmen klub bilen 2023-nji ýylyň tomsuna çenli şertnama baglaşdy. Şertnamany ýene bir möwsüm uzaltmak mümkinçiligi hem bar.
1-nji noýabrda «Tottenhem» şu ýylyň iýul aýyndan bäri kluba tälimçilik edip gelen portugaliýaly hünärmen Nunu Eşpiritu Santuny wezipesinden boşatdy. Angliýanyň Premýer ligasynda londonlylar 10 oýundan soň 15 utuk toplap, 8-nji ýerde ýerleşdiler.
Mundan öň, Konte «Interiň» baş tälimçisi bolup işläpdi. Ol klubdan şu ýylyň maýynda gaýtdy. Konteniň ýolbaşçylygynda milanlylar geçen möwsümde Italiýanyň çempionatynda ýeňiş gazandylar.
