2021-nji ýylyň noýabr aýynda adamyň saglygyna we ýagdaýyna täsiriniň derejesi ýokary bolan birnäçe magnit hadysasynyň bolmagyna garaşylýar. Bu barada nsk.aif.ru habar berýär.
"Magnit tupany" diýlip atlandyrylýan magnit hadysalary Gün şöhlesiniň netijesinde ýüze çykyp, ol howa garşy duýgur adamlaryň, köplenç hem ýürek-damar ulgamy, wegetatiw-damar distoniýasy we aşa semizlik keselleri bolan adamlaryň saglygyna ýaramaz täsir edýär.
Tmcars.info çeşmelere salgylanyp, şu aýda garaşylýan magnit hadysasynyň tertibini takyk seneler bilen size hödürleýäris.
Noýabr aýynyň 2-sinde, 5-inden 8-ne çenli aralykda, 14-nden 16-syna çenli aralykda hem-de 21-nji noýabrda dört sany uly we uzak magnit hadysasyna garaşylýar.
2-nji noýabrda magnit tupany gaty bir güýçli bolmaz, gün işjeňligi az bolar, şeýle-de bolsa howa garaşly adamlarda ynjalyksyzlyk döredip biler.
5-8-nji noýabr aralygynda hadysa güýçli bolar. Ol iň ýokary derejesine 6-njy noýabrda ýetip, aýyň 7-sinde we 8-inde gowşap ugrar.
14-16-njy noýabr aralygynda magnit hadysasy diýseň çynlakaý bolar, gün işjeňligi 18-nji noýabra çenli dowam eder.
21-nji noýabrda ortaça magnit hadysasynyň ýüze çykmagyna garaşylýar. Şeýle-de bolsa, şol gün ýürek keseli bolan adamlar öz saglyklaryna aşa ünsli bolmalydyrlar.
