Aşa gyzgynda adatdan daşary ýagdaýlara getirip biljek sebäpler haýsylar?

  • 08.07.2021 11:35
  • 9.1k+

TmCars.info Türkmenistanyň Ministrler Kabinetiniň Adatdan daşary ýagdaýlar we raýat goragy bölümi tarapyndan adatdan daşary gyzgyn howa şertlerinde alnyp barylýan işleri we berilýän maslahatlary dykgatyňyza ýetirýär.

  • Howanyň aşa gyzmagy bilen baglylykda raýatlaryň arasynda gün we ýylylyk urmak, ýangynlaryň, çygly we gurak howa akymlarynyň çaknyşmaklarynyň netijesinde garaşylmaýan çagbaly ýagyşlaryň ýüze çykmak we sil suwlarynyň emele gelmek howpuny ýokarlandyrýar. Şunuň bilen baglylykda, gyzgyn howa hadysasy bilen bagly çäreleriň guralmagynda ministrlikleriň we pudaklaýyn dolandyryş edaralarynyň, welaýatlaryň we Aşgabat şäher häkimlikleriniň işjeň gatnaşmaklary zerurdyr.
  • Ýylylyk we Gün urmadan goranmagyň ýollary barada köpçülikleýin habar beriş serişdeleriniň üsti bilen wagyz-nesihat işlerini guramak maksadalaýyk bolar.
  • Howanyň aşa gyzýan günlerinde ilatyň özlerini alyp barmaklarynyň tertibi barada duýduryş SMS maglumatlarynyň raýatlaryň öýjükli telefonlaryna ugradylmagy netijeli çäreleriň biri bolar.
  • Bazarlarda et-süýt we tiz zaýalanýan iýmit önümleriniň hiline, saklanyşyna we möhletine gözegçilik güýçlendirilmelidir.
  • Gurluşyk meýdançalarynda, nebit-gaz pudagynda, açyk meýdanlarda, çölde zähmet çekýän işgärleriň iş tertibine seredip, olaryň howanyň ýaramaz täsirlerinden goralmagy üpjün edilmelidir.
  • Ýokary temperaturaly howa şertlerinde işleýän işgärleriň zerur çaý, suw we iýmit önümleri bilen üpjün edilmegi guralmaly, olaryň açyk Günüň astynda işlemek boýunça zähmet sagatlarynyň azaldylmagyna seredilmeli. Açyk meýdanda işleýän adamlaryň sany çäklendirilmeli, işler tapgyrlaýyn alnyp barylmaly.
  • Elektrik hojalyklarynda, köpçülikleýin ulanylýan sowadyjy enjamlaryň ulanylyşynda ýangyn howpsuzlygynyň düzgünleriniň berjaý edilişine ünsi güýçlendirmeli.
  • Türkmenistanyň Energetika ministrligi gyzgyn howaly günlerde sowadyjylaryň köpçülikleýin ulanylmagynyň netijesinde elektrik togunyň sarp edilişiniň artmagy bilen bagly, möhüm desgalarynyň elektrik üpjünçiliginde bökdençlikleriň döremezligi üçin zerur çäreleri görmeli.
  • Demirýol çeleklerinde, awtoulaglarda howply ýükler daşalanda ýangyn howpsuzlygynyň talaplary berk berjaý edilmeli. Zerur bolsa ýük çekmegiň sanyny çäklendirmeli ýa-da demir ýol çeleklerinde gije gatnatmaly.
  • Türkmenbaşydaky nebiti gaýtadan işleýän zawodlar toplumynda, nebit-gaz, himiýa pudagynyň önümçilik desgalarynda, howply önümler saklanylýan ammarlarda güýçlendirilen ýangyn howpsuzlyk düzgünlerini girizmeli, gije-gündizleýin nobatçylygy alyp barmaly.

Aşa gyzgynda sil gelmeginiň öňüni almak zerurdyr
Türkmenistanyň Ministrler Kabinetiniň Adatdan daşary ýagdaýlar we raýat goragy bölümi howanyň temperaturasynyň aşa ýokarlanmagynyň duýdansyz çagbaly ýagyşlara, sil we ýagyş suwlarynyň emele gelmegine getirip biljekdigini ýatladyp, käbir maslahatlary berýär:

  • Aprel-awgust aýlary sil gelme hadysalarynyň ýüze çykýan döwrüdir. Sil gelme hadysalarynyň 75 göterimi hut şu döwürde bolup geçýär.
  • Köpetdag, Kiçi hem Uly Balkan, Köýtendag dag etekleri, Bathyz dag baýyrlyklary we Garabil belentlikleri ýurdumyzyň esasy sil gelme howply sebitleri hasap edilýär. Şoňa görä-de, Türkmenistanyň Suw hojalygy baradaky döwlet komiteti, welaýatlaryň we Aşgabat şäheriniň häkimlikleri ýurdumyzyň dag etek etraplarynda ýerleşýän ilatly nokatlaryň çäginden geçýän derýalaryň, sil-suw akabalarynyň, jarlaryň çagbaly ýagyşlar netijesinde emele gelýän sil suwlaryny akdyrmaga taýýarlygyny gazanmaly.
  • Sil gelmek ähtimallygy ýokary bolan ilatly nokatlarda, edara binalarynda, çagalar sagaldyş we dynç alyş merkezlerinde içi çäge bilen doldurylan polietilen haltalaryň zerur möçberlerdäki ätiýajyny döretmeli.

düýn 16:18
5.4k+

“ASLY ÝAG-dan” uly aksiýa: Petronas ýaglaryny alyp, çalyşdyran müşderilere himiýa sowgat

“ASLY ÝAG” haryt nyşany bilen hereket edýän söwda we hyzmat nokatlary uly aksiýa yglan etdi. 20-nji awgustdan 20-nji noýabr aralygynda “Asly ýag” söwda dükanlaryndan PETRONAS ýaglarynyň sintetik görnüşini alyp, çalyşdyran müşderilere PETRONAS-yň awtohimiýa serişdeleri sowgat berilýär...

19.08.2025 14:49
164k+

Çagany näme üçin CuriooKids-e bermeli? Okuw merkeziniň aýratynlyklary

CuriooKids — bu halkara okuw merkezleri bolup, çagalar we ýetginjekler üçin goşmaça okuw maksatnamalaryny hödürleýär. Brendiň esasy wezipesi – okuwçylary geljek üçin taýýarlamak, olara döredijilikden, tankydy pikirlenmekden, aragatnaşykdan we hyzmatdaşlykdan ybarat möhüm başarnyklaryny ösdürmeklerine goldaw bermekden ybarat...

16.08.2025 08:56
51k+

“Maraton” tutuş maşgala üçin aýakgaplary hödürleýär: 70%-e çenli arzanladyş we 6 aý gaşaryna

“Maraton” dükany täze okuw möwsüminiň başlanmagy mynasybetli dürli ýaşdaky oglanlar we gyzlar üçin aýakgaplaryň we sumkalaryň täze kolleksiýalaryny hödürleýär. Dükandan harytlary 20%-70%-e çenli arzanladyş bilen, şeýle hem öňünden tölegsiz 6 aý garaşaryna alyp bolýar...

12.08.2025 11:38
111k+

CuriooKids bilim merkezi çagada döredijilikli pikirlenmek, telekeçilik we durmuş endiklerini ösdürýär

Hormatly ene-atalar! Çaganyňyz diňe bilim almak bilen çäklenmän, eýsem, döredijilikli pikirlenmek ukyplaryny kämilleşdirmegini, adaty bolmadyk çözgütleri tapmagyny we geljegini ynam bilen gurnamagyny başarmagyny isleýäňizmi...