Ýewro-2020: çehiýaly Patrik Şik ÝEWRO-nyň taryhynda iň uzakdan gol saldy

  • 15.06.2021 16:43
  • 12k+

Duşenbe güni Ýewro-2020-niň çäginde D we E toparlaryň üç duşuşygy geçirildi.
Ýewro-2020-niň toparlaýyn tapgyrynda ilkinji oýnunda Şotlandiýanyň milli ýygyndysy Çehiýadan 0:2 hasabynda utuldy. Çehiýanyň milli ýygyndysyndan “Baýeriň” hüjümçisi Patrik Şik dubl etdi. Hüjümçi garşydaşyň derwezebany Dewid Marşalyň jerime meýdançasyndan daşyna çykanlygyndan peýdalanyp, ikinji goluny 45.44 metr aralykdan tora girizdi. Bu gol Ýewropa çempionatynyň taryhynda iň uzakdaky goldur.
Bu ýeňiş Çehiýany «D» toparçada öňe saýlady. Çehler Horwatiýany 1:0 hasap bilen ýeňen Angliýadan gol tapawudy boýunça öňde barýar.
Indiki tapgyrda Glazgoda çehler horwatlar bilen, Londonda şotlandlar iňlisler bilen duşuşar. Iki oýun hem 18-nji iýunda geçiriler.
«E» toparçada açylyş oýunda Slowakiýa Polşany ýeňip, üç utuk toplady (2:1).
Bu topardaky başga bir jübüt — Ispaniýanyň we Şwesiýanyň milli ýygyndy toparlary deňme-deň oýnady (0:0). «Opta Jose-nyň» Twitterde belläp geçişi ýaly, bu duşuşykda Ispaniýa topa 85,1% wagt eýelik edip, 1980-nji ýylda statistiki görkezijiler ýazylyp başlanyndan bäri Ýewropa çempionatynyň taryhynda rekord görkezijidir.
Ikinji tapgyrda 18-nji iýunda Sankt-Peterburgda Slowakiýa Şwesiýa, ertesi gün Sewilýada Ispaniýa Polşa bilen duşuşar.


şu gün 06:21
931

“Barselonany” gyzyklandyran Niko Uilýams “Atletik” bilen şertnamany 2035-nji ýyla çenli uzaltdy

Bilbaodan “Atletik” futbol kluby ispaniýaly ýarymgoragçy Niko Uilýams bilen şertnamanyň möhletiniň uzaldylandygyny habar berdi. Täze şertnama 2035-nji ýylyň 30-njy iýunyna çenli hereket edýär. Bellenilişi ýaly, 22 ýaşly futbolçynyň şertnamany möhletinden ir ýatyryp, başga bir kluba geçmegi üçin tölemeli mukdar 50%-den gowrak ýokarlandy...

03.07.2025 23:14
7.5k+

“Çelsi” 81 mln dollara braziliýaly hüjümçi Žoao Pedrony aldy

Braziliýanyň milli ýygyndysynyň hüjümçisi Žoao Pedro “Braýton end Houw Albiondan” Londonyň “Çelsisine” geçdi. Bu barada klubuň saýtynda resmi taýdan yglan edildi. 23 ýaşly oýunçy bilen şertnama 2033-nji ýyla çenli hereket edýär...

03.07.2025 22:52
5.9k+

Anhel Di Mariýa Ýewropadaky karýerasyny tamamlap, “Rosario Sentrala” gaýdyp bardy

37 ýaşly argentinaly futbolçy Anhel Di Mariýa Ýewropadaky 18 ýyllyk karýerasyny tamamlaýandygyny we öz eziz kluby “Rosario Sentrala” gaýdyp barýandygyny habar berdi. Ýarymgoragçy professional karýerasyna bu klubda başlapdy...

03.07.2025 18:15
6.6k+

ABŞ-da Klublaýyn dünýä çempionatynda 2 million bilet satyldy, oýunlara ortaça 35 müň tomaşaçy barýar

Klublaýyn dünýä çempionatynyň oýunlaryna satylan biletleriň umumy sany 2 milliona ýetdi. Ýaryşyň her oýnuna ortaça 35 müň tomaşaçy gelýär. Bu barada žurnalist Kawe Solekol habar berdi. Ýaryşyň iň köp tomaşaçy ýygnan oýny toparlaýyn tapgyrda «Pari Sen-Žermen» bilen «Atletikonyň» (4:0) arasyndaky duşuşyk boldy — bu oýna 80 819 adam tomaşa etdi...