Indiana uniwersitetiniň lukmançylyk mekdebiniň ylmy barlagçylary käbir adamlaryň horlanyp bilmezliginiň ähtimal sebäbini ýüze çykardylar. Munuň esasy sebäbi "GKN1" atly aşgazana mahsus belok bolup biler diýip, msn.com habar berýär.
Ylmy barlagçylar käbir adamlaryň "GKN1" belogy sebäpli berk berhiz tutup, yzygiderli türgenleşmek bilenem horlanyp bilmejekdigini aýdýarlar. Hünärmenleriň pikiriçe, "GKN1" semizligiň güýçlenmeginde esasy elementlerden biri bolup durýar. Sebäbi ol iýmit siňdirişe garşy bolup, içegelerdäki bakteriýalar bilen täsirleşip hem bilýär.
Ylmy işiň çäginde hünärmenler syçanlarda synag geçirip gördüler, netijede şol bir zat bilen iýmitlenmek arkaly haýwanlaryň dürli tizlikde horlanmaga we semremäge ukyplydygy ýüze çykaryldy. Hususan-da, pes derejeli "GKN1" belogy bolan gemrijiler semizlige has durnukly bolup çykdy.
