Çempionlar ligasynyň ýarym final tapgyrynyň ikinji duşuşygynda Londonyň "Çelsisi" Madridiň "Realyny" ýeňdi. Duşuşyk "Çelsiniň" “Stamford Bridge” stadionynda geçirildi we 2:0 hasabynda tamamlandy.
Duşuşygyň 28-nji minudynda “Çelsiniň” hüjümçisi Timo Werner hasaby açdy. Ikinji pökgini 85-nji minutda Meýson Maunt tora girizdi.
Şeýlelikde, “Çelsi” jemi 3:1 hasabynda "Realdan" üstün çykdy (ilkinji oýunda hasap deňme-deň boldy - 1:1).
Mundan başga-da, Tomas Tuheliň topary ýaryşyň finalynda yzly-yzyna ikinji ýyl oýnar. Geçen möwsümde nemes hünärmeniniň ýolbaşçylygyndaky fransuz "PSŽ-si" Çempionlar ligasynyň finalynda "Bawariýadan" 0-1 hasabynda utulypdy.
Tuhel bu üstünlige ýeten taryhda ilkinji tälimçi boldy.
Finalda “Çelsi” bir gün öň "PSŽ-ni" 2-0 hasabynda ýeňen başga bir iňlis kluby - “Mançester Siti” bilen oýnar (iki oýnuň jemi - 4:1).
"Çelsi" taryhynda üçünji gezek, "Mançester Siti" bolsa ilkinji gezek Çempionlar ligasynyň finalyna çykdy.
Çempionlar ligasynyň finaly 29-njy maýda Stambulda geçer.
