Moskwanyň Psihologik kömek gullugynyň hünärmeni Ýekaterina Igonina gülkiniň saglyga täsiri barada gürrüň berdi. Bu barada lampon.ru "Moskwa 24" neşirine salgylanyp habar berdi.
Söhbetdeşligiň dowamynda hünärmen gülkiniň aşa ýadawlyga we psihiki strese garşy gowy gorag reaksiýasydygyny aýtdy.
"Haçan-da adamy položitel ýa-da otrisatel duýgular gaplap alsa, olaryň artykmaç böleginden gyssagly ýagdaýda dynmaly, başgaça aýdylanda, bedeni rahatlandyrmaly"-diýip, Igonina belledi.
Hünärmen gülmegiň saglyga peýdaly täsirine ünsi çekmek bilen, adam gülen mahaly öýkeniniň howadan ganýandygyny aýtdy. Mundan başga-da, gülmek gan basyşyny kadalaşdyrmaga we immun ulgamyny berkitmäge kömek edýär.
Psiholog iň çyn ýürekden çykan gülkiniň çagalaryň gülküsidigini, sebäbi olaryň özgeleriň pikirine üns bermeýändigini aýtdy. Şol bir wagtyň özünde ulularyň gülküsi olaryň açyklygy we daş-töwerekdäkiler bilen ygtybarly hem-de ynamdar gatnaşyklary hakda aýdýar.
