Ysraýyl koronawirus ýagdaýynyň ýokarlanýandygy sebäpli karantin çärelerini güýçlendirýär

Ysraýylda täze koronawirus infeksiýasy bilen keselleme ýagdaýynyň ýokarlanýandygy sebäpli barlary, klublary, sport zallary ýapmak, şeýle-de köpçülikleýin çäreleri geçirmegi gadagan etmek kararyna gelindi. “The Jerusalem Post” neşiriniň habar bermegine görä, bu barada Ysraýylyň saglygy goraýyş ministri Ýuliý Edelşteýn habar berdi. Muny russian.rt.com ýetirýär.
Mundan başga-da, sinagogalarda, restoranlarda we awtobuslarda adamlaryň sanyny çäklendirmek güýje girýär. Ysraýyl hökümeti kenarýakalarda sanitar düzgünleriniň berjaý edilişine gözegçiligi güýçlendirer, ýöne kenarýakalary heniz dolulygyna ýapmazlar. Şeýle-de, tomusky lager diňe çagalar bagynyň ýaşyndaky çagalardan 4-nji synp çagalaryna çenli açyk bolar.
Ysraýylda martyň ahyryndan başlap ýüze çykarylan kesel ýagdaýynyň gaýtadan ösüşi başlady. Eger-de 6-njy iýunda 160 keselli hasaba alnan bolsa, onda 2-nji iýulda eýýäm müňden gowrak keselli hasaba alyndy. Iýunyň ahyrynda döwletde maska bolmazlygyna jerime iki ýarym esse ýokarlandy.
“Doly derejeli karantine bize bir ädim galýar” – diýip, Ysraýylyň premýer-ministri Benýamin Netanýahu belleýär. Onuň pikiriçe, koronawirus infeksiýasynyň täze tolkuny ýurduň saglygy goraýyş ulgamyna çagyryş edýär. Soňky maglumatlar boýunça, Ysraýylda 30 749 koronawirus ýagdaýy ýüze çykaryldy, olardan 818-si soňky bir gije-gündizde hasaba alyndy.