Awtohünärmenler elektrokarlara bolan islegiň pes bolmagynyň sebäbini düşündirdiler

Munuň sebäbini anyklamak üçin awtomobil hünärmenleri ulaglaryň söwda we kireýne berilýän bazarlaryny seljerip gördüler. Elektrik ulaglary pudagynyň örän çalt ösýändigine garamazdan, alyjylaryň köpüsi klassyky içinden otlanýan hereketlendirijili (IOH) ulaglary makul hasaplamagy dowam etdirýärler. Şeýle ymtylyş infrastrukturanyň ýokary derejede ýerleşýän, dizel motorly ulaglaryň bolsa ýuwaş-ýuwaşdan gadagan edilýän ýeri bolan hatda Ýewropada hem görünýär. “Süddeutsche Zeitung” neşiriniň hünärmenleri şeýle ymtylyşyň sebäbiniň nämededigini seljerip gördüler. Bu barada glas.ru habar berýär.
Munuň sebäpleriniň biri elektrik awtomobilleriň bahasynyň ýokary bolmagydyr. Olaryň umumy ösüşine garamazdan, öndürijiler heniz elektrokarlaryň bahasyny klassyky IOH-ly ulagyň bahasyna çenli düşürmäge taýýar däl. Ikinji sebäbini anyklamak üçin “Germaniýada çaltlyk” ady bilen derňew geçirildi.
Onuň netijesi boýunça, Germaniýanyň ýaşaýjylarynyň karşering hyzmatyndan peýdalanmak bilen ulagyň haýsy görnüşini makul hasaplaýandygy belli boldy. Netijede gatnawlaryň sanynyň, takmyn birmeňzeş bolandygy, olaryň dowamlylygynyň bolsa ep-esli tapawutlanandygy anyklanyldy. Elektrik ulaglar benzinli ulaglara garanda has az aralygy geçdiler.
Şundan ugur alyp, infrastruktura ýetmezçiligi sebäpli adamlaryň ýoluň ortarasynda akkumulýatoryň zarýadsyz galmagyndan ätiýaçlyk edýändigi baradaky netijä gelmek bolýar.
Üçünji, ýöne esasy däl sebäp endik bolup durýar, häzirki günde elektrokarlar giň ýaýrawa eýe bolmady. Şonuň üçin gatnawlary kireýne alnan elektrik awtolarda amala aşyrmaga köpler taýýar, ýöne ony satyn almaga bolsa hemme däl.