Alymlar deňizde suwa düşmegiň howpludygyny aýtdylar

Britan alymlary respirator wiruslary bilen keselleme howpunyň deňizde örän ýokarydygy baradaky pikire geldiler. Olar barlag işini alyp bardylar, onuň dowamynda Angliýada we Uelsde deňiz dynç alşyny söýüjileriň 2,6 müňden gowragy bilen sorag geçirdiler. Bu barada live24.ru habar berýär.
Syýahatçylaryň 24%-iniň respirator infeksiýasynyň, şeýle-de göz, deri we gulak keselleriniň alamatlaryndan zeýrenýändikleri belli boldy. Emma deňizde ýüzmegiň tarapdarlary bolmadyklar bolsa gaty azdy, sorag edilenleriň bary-ýogy 7%-i.
Şeýle-de, deňizde suwa düşmegi söýüjilerde diňe kenarda Güne ýanmagy we deňizden uzakda bolmagy makul hasaplaýanlar bilen deňeşdirilende deri we gulak keselleriniň ýüze çykmak howpunyň 2-3 esse ýokarydygy ýüze çykaryldy. Muňa garamazdan, respirator we rotawirus kesellerini kabul etmek howpunyň deňizde dynç alýanlarda nähili derejede ýokarydygyny kesgitlemek başartmady.
Barlagyň dowamynda näsaglygyň anyk sebäpleri gözden geçirilmedi, ýöne olaryň akar suwlar bilen deňze düşýän bakteriýalaryň we wiruslaryň esasynda ýüze çykýan bolmagy ähtimal.
Barlagçylar köp wagtlaryny deňiz tolkunlarynyň ýanynda geçirýän adamlaryň fiziki we psihiki saglygynyň ondan daşda saklanýanlara garanda has gowudygyna-da üns berdiler. Şeýle-de bolsa deňiz gezelençleri wagtynda munuň üçin ýeri örän oýlanyşykly saýlamagy maslahat berýärler. Meselem, hünärmenler hapa howdanlarda suwa düşmezligi maslahat berýärler.