Türkmenistanyň paýtagty Aşgabat şäheri Syýahatçylyk şäherleriniň Bütindünýä Federasiýasynyň (SŞBF) agzalygyna kabul edildi.
Mälim bolşy ýaly, Syýahatçylyk şäherleriniň Bütindünýä Federasiýasy 2012-nji ýylda dünýäniň meşhur syýahatçylyk şäherleri we syýahatçylyk guramalary tarapyndan döredildi. Ştab-kwartirasy we Sekretariaty Pekinde (HHR) ýerleşen SŞBF häzirki wagtda abraýly halkara syýahatçylyk guramasyna öwrüldi.
Türkmenistanda syýahatçylygyň döwrebap düzüminiň döredilmegine, sanatoriýa — şypahana, myhmanhana işlerinde hem-de syýahatçylyk pudagynyň dürli ugurlarynda ulanylýan öňdebaryjy tehnologiýalaryň we sanly ulgamyň ornaşdyrylmagyna uly üns berýär. Munuň özi ykdysadyýetiň degişli ulgamynda uzakmöhletleýin hyzmatdaşlyk üçin uly mümkinçilikleri açýar.
Ýurdumyzyň bu ugurda eýe bolan uly kuwwaty baý taryhy-medeni mirasymyza, tebigy gözellikleriň we özboluşly dynç alyş serişdeleriniň köpdürlüligine esaslanandyr.
Aşgabat dünýäniň meşhur syýahatçylyk şäherleriniň hataryna goşuldy
- 09.05.2020 22:41
- 6k+
