Тurkish Airlines halkara gatnawlara gadaganlygyny 20-nji maýa çenli uzaltdy

Türkiýäniň milli howa gatnadyjysy — Тurkish Airlines kompaniýasy halkara gatnawlaryna gadaganlygyny 2020-nji ýylyň 20-nji maýyna çenli uzaltdy, diýip Trend agentligi Anadolu agentligine salgylanyp habar berýär.
«(Сovid-19) koronawirus pandemiýasynyň ýaýrawy sebäpli we ýokanç keseliň ýaýramagyna garşy resmi düzümleriň çärelerini nazara alyp, Тurkish Airlines kompaniýasy halkara gatnawlarynyň ählisini 20-nji maýa çenli saklady» - diýlip awiakompaniýanyň habarynda bellenilýär.
Awiakompaniýada şeýle hem 3-20-nji aprel aralygynda Тurkish Airlines kompaniýasynyň ýurduň içerki gatnawlaryny hem togtadandygy habar berilýär.
Ýatladyp geçsek, mundan öň, Türkiýäniň hökümeti halkara gatnawlarynyň 2020-nji ýylyň 1-nji maýyna çenli togtadyljakdygyny habar beripdi.
Has jikme-jik maglumat almak üçin awiakompaniýanyň Aşgabatdaky sorag-jogap gullugyna ýüz tutup bilersiňiz: +99361014433