Hytaýyň syýahatçylyk ýadygärlikleri ýene-de işläp başlady

Hytaýda koronawirus epidemiýasynyň gowşap başlandygy belli bolanyndan soň, syýahatçylar ýene-de ýurduň gözel ýerlerine baryp başladylar. Gürrüň Anhoý welaýatyndaky Huanşan daglary barada gidýär diýip pravda.ru saýty belleýär. Dynç günleri hökümet aýlanmak üçin bu seýilgähi açdy we myhmanlary özüne çeker ýaly girelgäni hem tölegsiz etdi. Netijede goraghananyň haýking ýodalary syýahatçylardan doldy, şonuň üçin bu ajaýyp ýeri wagtlaýyn ýapmaly boldy.
“Anhoý welaýatyndaky dag seýilgähinde eýýäm 7:48-de syýahatçylar 20 müňden geçdi” – diýip CNN Travel habar berýär.
Şanhaýda syýahatçylar we köçe satyjylary birnäçe wagtlap adamsyz galan meşhur Waýtan kenarýakasyna ýene-de dolanyp bardylar. Käbir restoranlar işini dikeltdiler. Şeýle ýagdaý Pekinde hem ornaşyp başlady.
Syýahatçylaryň köpüsi seýilgählere we Pekiniň beýleki jemgyýetçilik ýerlerine aýlanýarlar. Hytaýda ýuwaş-ýuwaşdan çäklendirmeler hem aýrylýar, ýöne lukmanlar barybir raýatlary seresaplylygyň berjaý edilmegini dowam etdirmäge çagyrýarlar. Olar epidemiýanyň ikinji tolkunynyň bolmagyndan howatyr edýärler.
Öň belli bolşy ýaly, martyň ahyrynda HHR-iň köp ajaýyp ýerleri ýerli syýahatçylar üçin ýene açylyp başlandy. Ýabany haýwanlaryň Şanhaý seýilgähi, Şanhaý teleminarasy, Beýik Hytaý diwary we beýleki obýektler işläp başlady.