Koronawirus bilen bagly ýagdaý sebäpli Türkiýede syýahatçylyk möwsüminiň açylyşy maýyň ahyryna goýuldy.
Ýurduň medeniýet we syýahatçylyk ministri Mehmet Nuri Ersoýyň hasaplamagyna görä, 2020-nji ýylda syýahatçylyk möwsüminiň açylyşy pandemiýa bilen baglylykda boldugyndan maýyň ahyryna goýular.
“Biz syýahatçylyk hereketi Remezan baýramçylygy (23-nji aprel – 23-nji maý – IF) wagtynda dikeler diýip umyt edýäris”.
Şonuň bilen birlikde ministr gürrüňiň şu döwürde ilkinji nobatda içki syýahatçylygyň “janlanmagy” barada gidýändigini belleýär. Daşary ýurtlular barada aýdylanda, onda olary iýun aýynyň ahyrlarynda görmek göz öňünde tutulýar. Medeniýet ministriniň aýtmagyna görä, Türkiýe şu ýylda “mümkin boldugyndan 58 mln syýahatçyny kabul etmegi” göz öňünde tutýar. Garaşylyşyna görä, hut şu möwsüme çenli Türkiýede halkara aragatnaşyklar dikeldiler, diýip TACC habar berýär.
Täze koronawirus ilkinji gezek Türkiýede 10-njy martda Ýewropadan yzyna dolanan ýerli ýaşaýjyda ýüze çykaryldy. Bu kesel bilen kesellänleriň sany 15 679-a ýetdi, olardan 277-si ýogaldy, 333 sanysy gutuldy.
Türkiýe syýahatçylyk möwsümini maýyň ahyryna meýilleşdirdi
- 03.04.2020 20:09
- 8.5k+
