Lukmanlar şokolad iýmegiň çagalara näme üçin zerurdygyny aýtdylar

Lukmanlaryň düşündirmegine görä, köp ene-atalar öz çagalaryny şokolad iýmekde çäklendirmegi makul hasaplaýarlar. Bu barada cursorinfo.co.il habar berýär.
Aslynda süýjülik iýmekde belli bir optimal möçberi saklamak gerek. Süýjüligiň peýdasynyň bardygy jedelsizdir. Esasanam, bu önüm ýürek-damar ulgamynyň işini gowulandyrmak bilen, gan basyşyny kadalaşdyrýar, şonuň bilen birlikde çagalarda ýürek işiniň näsazlyk howpy peselýär. Ýene bir zady bellemek möhüm, konditer önümi çalt gurplanmaga ýardam edýär, organizme energiýa berýär, üns konsentrasiýasyny we ýady güýçlendirýär. Bu bilimiň hiline hem göni täsir edýär. Peýda kakao-agaçlarynda neýroprotektorlar görnüşinde hereket edýän flawonoidleriň we antioksidantlaryň barlygy bilen şertlendirilýär.
Şokoladyň hatda uly bolmadyk bölejigi hem çaga stres derejesini peseltmäge kömek edýär.
Munuň düşündirilişi ýönekeý-onda şatlyk duýgusynyň emele gelmegine kömek edýän anadamidiň düzüminiň bolmagydyr. Bu ýakymly önümiň artykmaçlyklarynyň sanawynda şulary hem bellemek bolar: öýjük balansyna jogap berýän magniý düzümi, antioksidantlaryň hasabyna ganyň düzüminde şekeriň derejesiniň kadaly bolmagyna kömek etmegi, rak keselleriniň güýçlenmeginden goramagy. Bir zady bellemek möhüm, gürrüň düzüminde 70% töweregi kakao bolan ýokary hilli şokolad barada gidýär. Bu önümiň peýdasyna garamazdan, süýjüligiň kabul edilmegini gözegçilikde saklamaly.